القلقاس بطريقتين

الطريقتين دول من الطرق التقليدية جدا لعمل القلقاس يارب العرايس الجداد والمبتدئات اللي عايزين يتعلمو يدخلو بسرعة

اولا القلقاس الاحمر
لو ولادك مبيحبوش القلقاس ومبياكلهوش الطريقة دي بتخليه عامل زى البطاطس المطبوخة وطبعا مافيش حد بيكره البطاطس

ثوم مفري كثير + كسبرةة حب مطحونة
يحمر في السمن او الزيت ويضاف اليه الطماطم المعصورة لغاية ما تتسبك وتحطي فيه القلقاس المقطع وطبعا لغاية مايستوي وبالهنا والشفا

ثانيا : القلقاس الاخضر

دي طبعا مميزة عن اللي فاتت

تجيبي ثوم مفري + كسبرة حب ويحمر في الزيت او السمنه
وفي الخلاط تحطي كسبرة خضراء اكثر من ربطتين بشويه +ربع كوب ماء
ويضرب لغاية ما يبقي عصير
وتحطيه علي الثوم هاتشمي علي طول ريحة حلوة
تحطي بعد كدة القلقاس المقطع وسيبيه لغاية ما يستوى وما تنسيش الملح والبهارات
وبالهنا والشفا

مجرد أضافة وأستكمال للوصفة المتميزة اللى ذكرتيها

نبات القلقاس يعتبر كنزا غذائيا على الأرض. فهو مصدر ممتاز للطاقة، وتناوله ينعكس على نشاط الجسم في الحال. كما أنه مصدر جيد للألياف التي تنظم عمل الأمعاء بشكل طبيعي. وتناوله بانتظام يمد الجسم بكمية معقولة من الكالسيوم والحديد. وتوجد أنواع كثيرة من القلقاس، منها الأخضر والبنفسجي والأبيض. ولكن عند شراء أي منها، يجب أن تختاري الحبات الخفيفة والجافة، لأن الثقيلة تكون طرية من الداخل وتصبح قاسية القوام بعد الطهي. والقلقاس الطازج يفرز مادة لزجة ونشوية الملمس بعد تقشيره. ويذكر أن القلقاس النيئ سام بنسبة ضئيلة وطعمه لاذع، وتناوله يسبب حرقة في الحلق. وعلى الجانب الآخر، تناول القلقاس بعد طهيه أكثر من اللازم يسبب سوء الهضم.

منقول

معلومات مفيدة والف الف شكر